Мұғалім мен оқушыға арналған оқу құралы, 64 бет, жұмсақ мұқаба, қазақ тілінде.
Ұсынылып отырған дидактикалық құрал 1-сыныпта ана тілін оқыту бағдарламасына сәйкес құрастырылған. Құралдағы тапсырмалар оқулықтағы тақырыптар бойынша топтастырылып, өзіндік жұмыстар ретінде берілген. Тапсырмалар оқушылардың өз бетімен жаттығуына, өздері ізденіп орындауына бағытталған.
Оқу құралында ұсынылған тапсырмадағы жаттығуларды түгелдей орындау міндетті емес. Белгілі бір жаттығуды немесе тапсырманың бір бөлігін орындауды ұсыну мұғалімнің еркінде. Сондай-ақ, сабақ үстіндегі өзіндік жұмыс ретінде, сыныптан тыс жұмыстарда, үй тапсырмасы ретінде, өткен материалды қайталау барысында пайдалануға болады.
Мәтінмен жұмыс істеуге арналған тапсырмалар оқушыларды өз бетімен мәтін құрастыра білуге дағдыландырады. Сондай-ақ, бұл жұмыс дәптері жеке жұмыс ұйымдастыру арқылы олардың сабақта алған білімін тиянақтап бекіту мақсатын көздейді.